خبرية وزوادة

خبرية رائعة  

"رح تتفاجئوا ليش إيد يسوع اليمين بالذات مفكوكة"

القصة:

 كان في رجل  خاطي،

اجا يعترف عند الابونا وكان متردد 

وخايف تما يحلّو من الخطية...

بس مشي الحال وحلّو الخوري وقلو بس ما ترجع الخطيّة.

بس المسكين رجع وقع بالخطية 

ورجع لعند هالخوري نفسو واعترفلو 

وقلو انا ضعيف ورجعت وقعت،...

رجع الابونا وحلّو وراح.

ورجع تالت مرة خطي وقلو للكاهن 

انا ضعيف شو بعمل سامحني وعطيني الحلّة...

فرفض هالمرة الخوري يعطيه الحلّة...

بهاللحظة بيسمعوا صوت حرطقة وبشوفو 

المصلوب بفك إيدو اليمين وبيعطي المعترف الحلّة.

وبقلو للابونا: مش انت اللي افتديتو بدمك.

فإذا ً يا احبّة ما حدا يخاف من الخطية 

وكلنا خاطيين وانا اول واحد فيكم، 

وما نخجل نرجع نعترف...

المهم قلب منسحق وصدق وخشوع ونتوب.

قبل ما نتوكّل على غفلة 

نمشي لعندو نكون حاضرين ومستعدين 

والباقي تركوه على يسوع وعلى رحمتو ...